Xubileo da Misericordia

May 18, 2016, 6:51 am

≫ Next: AXUDAS LIBROS CURSO 2016-17

Con motivo do Ano Santo Xubilar da Misericordia, os alumnos dende o 3º ciclo da Primaria ata 4º da ESO, quixemos facer unha “peregrinaxe” para acadar a graza xubilar. Tras recibir o sacramento do perdón e asistir á Eucaristía na Catedral da capital galega. Esta simbólica peregrinaxe foi o broche ao traballo realizado previamente no colexio sobre o Ano Xubilar e a Misericordia.

Asimesmo os alumnos do 1º e 2 ciclo da Primaria tamén fixeron a súa particular peregrinaxe ata a Igrexa parroquial de Oleiros ,onde participaron das explicacións e dos cantos, así como da proxección dun video que nos presentou o sacerdote D. Julio Cárdenas.

↧

AXUDAS LIBROS CURSO 2016-17

May 20, 2016, 6:59 am

≫ Next: Article 0

≪ Previous: Xubileo da Misericordia

No DOG do pasado 16 de maio publicouse a Orde que regula as axudas para a adquisición de libros de texto para o vindeiro curso.

Máis información no apartado AYUDAS LIBROS desta web

↧

Article 0

May 26, 2016, 6:13 am

≫ Next: Casa Grande de Xanceda 1º ciclo de Primaria

≪ Previous: AXUDAS LIBROS CURSO 2016-17

Despois da ponte os alumnos do 1º ciclo da primaria chegaron con moitos folgos, fixeron un pequeno taller para ir de tendas e repasar vocabulario e expresións traballadas na clase co mundo do comercio. Tanto clientes como dependientes mostraron as súas habilidades que serviron para perder o medo a expresarse en público.

Nas clases de Speaking con Stacie os nenos van amosando a súas destrezas en Listening e Speaking dun xeito máis ameno e dinámico, o obxectivo das mesmas é onde renovar, motivar e impulsar a aprendizaxe do idioma Inglés.

↧

Casa Grande de Xanceda 1º ciclo de Primaria

May 30, 2016, 3:04 am

≫ Next: Festivais xuño

≪ Previous: Article 0

O pasado mércores 11 de maio, estivemos cos nosos alumnos de 1º ciclo da Primaria na Casa Grande de Xanceda e na Aula da Natureza de Brañas de Valga, en Mesía.

Os alumnos pasárono xenial visitando aos animais, déronlles de comer e puideron estar en contacto con eles en plena natureza.

Tamén participaron en talleres, como os dos comedeiros de paxaros e as figuras de barro, experimentaron e manipularon diversos alimentos para animais e comprobaron como se fan os iogures que comen habitualmente.

Disfrutaron de moitas actividades ao aire libre e tamén tiveron tempo de lecer. Foi unha experiencia moi gratificante para eles, difícil de olvidar, con moitas cousas para contar. E o seu comportamento foi excelente, GRAZAS RAPACES!

Aquí vos deixamos algunhas imaxes deste día tan especial.

↧

Festivais xuño

May 30, 2016, 6:47 am

≫ Next: AVISO HORARIO XUÑO

≪ Previous: Casa Grande de Xanceda 1º ciclo de Primaria

A continuación presentamos as datas dos festivais de fin de curso:

DATA E HORA

LUGAR

PARTICIPAN

VENRES 3 DE XUÑO ás 18:30 horas

SALÓN DE ACTOS

– TEATRO (alumnos de diferentes cursos)

– CORO (alumnos dende 3ºP ata 4º ESO)

– GUITARRAS (alumnos dende 6ºP ata 4º ESO)

VENRES 10 de xuño ás 18:30 horas

PATIO DO COLE

– ALUMNOS DE INFANTIL

– ALUMNOS DE PRIMARIA

– COREOGRAFÍAS

Contamos coa súa presenza e esperamos que disfruten dos festivais. Reciban un cordial sáudo.

↧

AVISO HORARIO XUÑO

May 31, 2016, 12:14 am

≫ Next: Celebración fin mes de maio

≪ Previous: Festivais xuño

O vindeiro mércores 1 de xuño, comezará a xornada única de mañá, polo tanto a hora de entrada será ás 9:00 e a de saída ás 13:50 (Os que solicitaron servizo de comedor sairán na hora acordada).
Os usuarios de transporte escolar deberán estar nas paradas 30 min antes do habitual.

↧

Celebración fin mes de maio

June 7, 2016, 6:41 am

≫ Next: Excursión a Vigo. 5º e 6º de Infantil.

≪ Previous: AVISO HORARIO XUÑO

O pasado 31 de maio a etapa da Educación Primaria celebrou unha procesión na honra da Virxe.

A procesión rematou cunha celebración na capela do colexio na que os nenos tiveron unha participación moi activa, cantando,recitando poesías e realizando promesas.

↧

Excursión a Vigo. 5º e 6º de Infantil.

June 7, 2016, 8:42 am

≫ Next: SAÍDA CULTURAL A MADRID

≪ Previous: Celebración fin mes de maio

Os nenos de 5º e 6º de Infantil fomos de excursión de fin de curso a Vigo. Visitamos o porto, onde estaba atracado o gran Cruceiro Queen Victoria, deixounos impresionados polo seu grande tamaño!

Posteriormente visitamos o Zoo, e pasámolo moi divertido vendo os distintos animais.

Foi un dia que recordaremos con moita ledicia.

↧

SAÍDA CULTURAL A MADRID

June 10, 2016, 12:53 am

≫ Next: A ESO DESPIDE O MES DE MAIO

≪ Previous: Excursión a Vigo. 5º e 6º de Infantil.

PRIMEIRO DÍA:

Despois dunha agotadora viaxe en autobús e de repoñer forzas no hotel, visitamos o Museo do Prado. Alí disfrutamos dos cadros de Velázquez e contemplamos algunha pintura do Greco e de Rubens.

Logo fixemos unha visita panorámica polo Madrid dos Austrias, rematámola cunha camiñata, xa que se xogaba a semifinal da Champions League entre o Manchester City e o Real Madrid e estaba imposible o tráfico. Rematamos ceando no Hard Rock Café.

SEGUNDO DÍA:

Foi a xornada máis esperada estivemos no Parque de Atraccións. Disfrutamos da Tarántula, da casa do terror “Walking Dead”, do Simulador de carreiras de coches, da caída libre,…

Ao chegar ao hotel amañámonos e dirixímonos á rúa do teatro vello Alcalá onde disfrutamos do musical SISTER ACT. Estivo sublime, fantástica a posta en escena, espectaculares as voces….

TERCEIRO DÍA:

Erguémonos cun mal día, polo que logo de almorzar dirixímonos a Astorga onde comemos e puidemos ver a Catredral de Santa María e o Palacio Episcopal.

Estivemos de regreso en Oleiros á medianoite.

↧

A ESO DESPIDE O MES DE MAIO

June 10, 2016, 12:57 am

≫ Next: Party Craft

≪ Previous: SAÍDA CULTURAL A MADRID

Tivemos na Capela do Colexio unha pequena celebración para cerrar o mes de María. Participamos todos os cursos, coas lecturas, os cantos e as peticións.
Foi unha sesión entrañable.

↧

Party Craft

June 14, 2016, 10:15 am

≫ Next: Brañas de Valga 1º e 2º de EP

≪ Previous: A ESO DESPIDE O MES DE MAIO

Chegamos ao final dun novo curso, e toca facer balance do traballado ao longo de todo este ano.

Botamos unha ollada atrás e presentámosvos algún dos traballos que os nosos nenos foron realizando na actividade de Party Craft.

O noso lapis As boliñas de ganchillo

Agasallo do día da Nai

Estrela de ganchillo Un Minion lapiseiro

↧

Brañas de Valga 1º e 2º de EP

June 15, 2016, 12:13 pm

≫ Next: RUMBO A BAIONA

≪ Previous: Party Craft

Tras a visita ás Brañas de Valga (Mesía) a coordinadora mandounos como agasallo unha fotografía a modo de recordo da experiencia dese día.

Encantounos! Moitísimas grazas!

↧

RUMBO A BAIONA

June 15, 2016, 12:23 pm

≫ Next: A RITMO!

≪ Previous: Brañas de Valga 1º e 2º de EP

O 27 de maio, os alumnos de 3º e 4º de Primaria finalizaron o seu proxecto sobre Cristóbal Colón cunha saída a Baiona.

Alí, puideron coñecer de primeira man a recreación da carabela na que viaxou Martín Alonso Pinzón de volta a España, e as dificultades que xurdiron no seu regreso.

Ao chegar ao Museo da Navegación, continuamos afondando nas vicisitudes que aconteceron durante o descubrimento, e a importancia de Baiona no mesmo.

Á hora do xantar, acompañounos o bo tempo e disfrutamos da paisaxe de Baiona dende o mirador da Virxe da Rocha.

Antes de voltar á casa, fixemos unha pequena andaina arredor da Fortaleza de Monte Boi. Foi unha gran experiencia!

↧

A RITMO!

June 15, 2016, 12:25 pm

≫ Next: A MÚSICA NA SÚA MAN

≪ Previous: RUMBO A BAIONA

Dende que deu comezo o mes de xuño, as clases de Música de 2º de E.S.O. tomaron un xiro diferente.

Cada semana, a ritmo de zumba, ou de ballet galego, enfrascámonos no coñecemento e na prácticas de diferentes tipos de danzas.

Grazas á colaboración da profesora Sara Fernández (membro do grupo de ballet galego Aires de Dorna), os alumnos disfrutaron dunhas xornadas diferentes e únicas.

↧

A MÚSICA NA SÚA MAN

June 17, 2016, 2:22 am

≫ Next: FESTIVAIS FIN DE CURSO

≪ Previous: A RITMO!

Antes de rematar o novo curso, quixémonos reunir cos rapaces de Coro para facerlle entrega dun pequeno agasallo que lle fixese lembrar a súa estancia no grupo.

Cada un deles, recibiu un pequeno chaveiro dunha clave de sol, para que dunha forma simbólica, a música sempre os acompañe no seu día a día.

A pesar de que é un grupo reducido, dou gusto velos traballar en equipo e colaborar os uns cos outros. Ata o ano, rapaces!

↧

FESTIVAIS FIN DE CURSO

June 17, 2016, 2:32 am

≫ Next: MATRÍCULA ALUMNOS NOVOS

≪ Previous: A MÚSICA NA SÚA MAN

Como ven sendo habitual, damos peche ás actividades deste ano co Festival de Fin de Curso. Pero este ano, introducindo unha pequena novidade: dous días de festival.

Nunha primeira sesión, o día 3 de xuño celebramos o primeiro dos nosos festivais. Polo noso escenario foron pasando un variado número de actividades. Dende as actuacións de Teatro, ata as de Coro, Coreografía, Instrumento, e mesmo unha entrega de agasallos para os membros de Cociña Creativa.

Este amplo número de actuacións, espertou o aplauso do público asistente, que incluso acadou que algún se animase a cantar ou bailar ao ritmo das pezas que ían soando.

Nunha segunda sesión, o día 10 de xuño, tivo lugar o segundo dos nosos festivais. Dende os máis pequerrechos do cole, ata os máis maiores; fóronse subindo ao palco para presentar a súa actuación.

A través de cancións, bailes, entrega de diplomas e discurso, a tarde foi transcurrindo entre risas e aplausos, que foron convertendo aos nosos nenos en auténticas estrelas por un día

↧

MATRÍCULA ALUMNOS NOVOS

June 17, 2016, 4:40 am

≫ Next: Feliz verán!

≪ Previous: FESTIVAIS FIN DE CURSO

Informamos que o luns 27 de xuño ás 17:00 horas, terá lugar a reunión informativa coas familias dos alumnos de novo ingreso para formalizar matrícula para o curso 2016-17.

Aquelas familias que non poidan asistir, pódense poñer en contacto co centro, e proceder á formalización en outro horario.

↧